سائبر سیکیورٹی کیا ہے؟ جس طرح ہم اپنے گھروں کو چوروں سے بچانے کے لیے تالے اور سیکیورٹی گارڈز رکھتے ہیں، اسی طرح ڈیجیٹل دنیا میں اپنے کمپیوٹر، موبائل، سرورز اور ڈیٹا کو آن لائن چوروں (Hickes) اور وائرس سے بچانے کے عمل کو سائبر سیکیورٹی کہتے ہیں۔
کمپیوٹر کی زبان انسان ایک دوسرے کی بات سمجھنے کے لیے اردو، انگلش یا دیگر زبانیں استعمال کرتے ہیں۔ لیکن کمپیوٹر صرف بائنری زبان (0 اور 1) سمجھتا ہے، جسے انسانوں کے لیے لکھنا انتہائی مشکل ہے۔ اس مسئلے کو حل کرنے کے لیے پروگرامنگ لینگویجز بنائی گئیں، جو انسانوں کے لیے سمجھنا آسان ہوتی ہیں اور بعد میں انہیں کمپیوٹر کی زبان میں تبدیل کر دیا جاتا ہے۔
انٹرنیٹ دراصل "Interconnected Networks" کا مخفف ہے۔ یہ دنیا بھر میں پھیلے ہوئے کروڑوں کمپیوٹرز، سرورز اور موبائل فونز کا ایک ایسا جال ہے جو آپس میں تاروں، فائبر آپٹک کیبلز اور سیٹلائٹ کے ذریعے جڑا ہوا ہے۔ یہ معلومات کی ترسیل کا سب سے تیز ترین ذریعہ ہے۔