امریکہ ایران ایم او یو

امریکہ اور ایران کے درمیان مفاہمت نامے کی تفصیلات ابھی تک مکمل طور پر منظر عام پر نہیں لائی گئی ہیں، لیکن دونوں جانب کے حکام نے کچھ اشارے پیش کیے ہیں کہ اس میں کیا شامل ہوسکتا ہے۔
ایران کی قومی سلامتی کونسل نے پیر کے روز کہا کہ یہ معاہدہ لبنان سمیت تمام محاذوں پر لڑائی ختم کرتا ہے اور ایرانی بندرگاہوں پر امریکی بحری ناکہ بندی ختم کرتا ہے۔دونوں فریقوں کا کہنا ہے کہ جمعہ کو سوئٹزرلینڈ میں باضابطہ طور پر مفاہمت نامے پر دستخط ہونے کے بعد 60 دن کی مدت کے دوران ایران کے جوہری پروگرام کے ساتھ ساتھ پابندیوں سے نجات پر بات چیت ہوگی۔ٹرمپ نے کہا کہ آبنائے ہرمز جمعے کو ''سب کے لیے کھلا'' رہے گا، جب کہ امریکی نائب صدر وانس نے کہا کہ 60 دن کی مدت کے دوران آبی گزرگاہ پر ٹریفک پر کوئی ٹول نہیں ہوگا۔ایک سینئر ایرانی اہلکار نے رائٹرز کو بتایا کہ امریکہ نے ایران کے منجمد اثاثوں میں سے 25 بلین ڈالر جاری کرنے اور ایک مخصوص مدت کے لیے تیل پر عائد پابندیاں ختم کرنے پر اتفاق کیا ہے۔لیکن وینس نے اس کی تردید کرتے ہوئے امریکی میڈیا کو بتایا کہ واشنگٹن یا اس کے اتحادیوں کی طرف سے ''پابندیوں میں ریلیف یا غیر منجمد اثاثوں کا ایک ڈالر بھی نہیں ملا''۔وینس نے یہ بھی کہا کہ مفاہمت نامے ایک ''عام دستاویز'' ہے جو کہ تقریباً ڈیڑھ صفحہ ہے۔ انہوں نے مزید کہا کہ متن کی تفصیلات جلد جاری کی جا سکتی ہیں۔