کیا سلمان رشدی پر قاتلانہ حملہ درست تھا؟ از مسعود مظہر قاسمی

قارئین کرام! گذشتہ سے پیوستہ کل گستاخ ملعون سلمان رشدی پر قاتلانہ حملہ ہوا، جس کے بعد اب اس کا بچ جانا بہت ہی مشکل ہے، حملہ کرنے والا ایک امریکی نزاد ترکی شخص جو کہ فی الوقت جیل میں ہے، اب سوال یہ پیدا ہوتا ہے کہ کیا سلمان رشدی پر حملہ کرنا درست تھا؟، جب ہم اس تناظر اسلامی کتابوں کو گھنگھالتے ہیں اور یہ جاننے کی کوشش کرتے ہیں، شاتم رسول صلی اللہ یا پھر اسلام پر بے جا اعتراض کرنے والی کی کیا سزا ہے،اور کیا اس پر حملہ کر کے اس کا قتل کیا جا سکتاہے؟ تو ہمیں اندازہ ہوتا ہے کہ اسلام میں فکری بے راہ وری کے شکار افراد کی علاج صرف اور صرف دعوت الی اللہ اور اپنی بات کو مثبت انداز میں بیان کرنا ہے،اس کی مثال بذات خود قرآن کریم اور نبی کریم صلی اللہ علیہ وسلم کے عمل میں بھی موجود ہے، اس کی واضح مثال اس بوڑھی عورت کا آپ صلی اللہ علیہ وسلم پر روز کچڑا ڈالنا ہے، اور آپ صلی اللہ علیہ وسلم کا اس کی عیادت میں جانا ہے، وہ بوڑھی عورت یقینا فکری بے رواہ روی کی شکار تھی، اور آپ صلی اللہ وسلم کو خطر ہ سمجھتی تھی، لیکن جیسے ہی آپ صلی اللہ علیہ وسلم نے اسے نہ دیکھ کر اس کی عیادت کے لئے گئے تو اس کی فکری بے راہ روی دور ہو گئی اور وہ حلقہ اسلام میں داخل ہو گئی۔قرآن کریم میں سب سے زیادہ جس چیز پر تنقید کی گئی ہے وہ شرک ہے، لیکن کہیں بھی مشرک کو قتل کرنے کا حکم نہیں دیا گیا ہے، چناں چہ قرآن کریم کے پہلے پارہ کے پہلی رکوع کی آخری آیت میں اللہ تبارک و تعالی نے فرمایاہے ان الذین کفروالآخر،ترجمہ: بلا شبہ وہ لوگ جنہوں نے کفر کیا ہے، وہ برابر ہیں چاہے آپ ڈرائیں یا نہ ڈرائیں وہ ایمان نہیں لائیں گے، اللہ تبارک و تعالی نے ان لوگوں کے دلو ں پر مہر لگا دی ہے، اور ان کے کانوں پر بھی مہر لگے ہوئے ہیں،اور ان کے آنکھوں پر پرڈہ،اور ان کے لئے سخت عذاب ہے، اس آیت کریم میں اللہ تبارک و تعالیٰ نے ان کفار کی حالت بیان کی جو کہ کسی بھی حالت میں ایمان لانے والے نہیں ہیں، اور پھر آخر میں فرمایا کہ ان کفار کے لئے سخت عذاب ہے، لیکن انہیں قتل کرنے کا حکم نہیں دیا گیا،جس سے یہ اندازہ ہوتا ہے کہ فکری بے راہ روی کے شکار افراد کی علاج صرف اور صرف دعوت و تبلیغ ہے، قتل نہیں ہے۔قرآن کریم میں اللہ تبارک و تعالی مذکورہ بالا آیت کے بعد منافقوں کا تذکرہ کیا ہے، اور فرمایا ہے: ترجمہ:لوگوں میں بہت سے ایسے ہیں جو کہ کہتے ہیں کہ میں اللہ اور یوم آخر پر ایمان لاتا ہوں، حالاں کہ وہ مومن نہیں ہیں،وہ لوگ دھوکہ دینے کی کوشش کر رہے ہیں اللہ کو اور ان لوگوں کو جو کہ اللہ پر ایمان لا چکے ہیں،حالانکہ وہ لوگ صرف اور صرف اپنے آپ کو ہی دھوکہ دے رہیں،جس کا انہیں شعور بھی نہیں ہے۔قرآن کریم کی اس ایت میں بھی منافق کے نقاق کو ذکر کیا گیا ہے، اور انہیں سمجھانے کی کوشش کی گئی ہے کہ منافق لوگ اپنے آپ کو ہی دھوکہ دے رہے ہیں جس کا انہیں شعور بھی نہیں، لیکن اس کی بھی کہیں سزا نہیں بنائی گئی ہے، بلکہ دوسری آیت میں ان کے لئے بھی سخت عذاب کی وعیدسنائی گئی ہے۔اسی طرح سے قرآن کریم میں اور بھی بے شمار آتیں ہیں جس میں کفر و نفاق کی سخت تنقید کی گئی ہے اور منافق و مشرکیں کے لئے دردناک عذاب کی وعید کی گئی ہے،جس سے اندازہ ہوتا ہے کہ اللہ تبارک تعالی نے فکری بے راہ روی کے شکار افراد کی جزا و سزا اللہ تعالی نے اپنے ذمہ رکھا ہے، اور ہمارے لئے صرف مثبت انداز میں اسلام کو پیش کرنا ہے یعنی دعوت الی اللہ کا کام کرنا ہے،رہی بات ان 26آیتوں کا جن میں کفار کو قتل کرنے کا حکم دیا گیا ہے،اور جس کو بنیاد بنا کر ملعون سلمان رشدی نے زہر افشانی کی ہے، تو یہ تمام آتیں یا تو حالت جنگ پر یا کسی اور واقعہ پر محمول ہیں، جس سے متعلق متعدد افراد جواب دے چکے ہیں
بالکل یہی حال شاتم رسول صلی اللہ علیہ وسلم کا ہے، اللہ تبارک و تعالیٰ نے شاتم رسول صلی اللہ علیہ وسلم کے بارے میں فرمایا ترجمہ:اے نبی کریم صلی اللہ علیہ وسلم اپ کا مذاق اڑانے والوں کے لئے ہم کافی ہیں، یعنی کہ اللہ تبارک و تعالی ٰ شاتم رسول صلی اللہ علیہ وسلم کا معاملہ بھی اپنے ہاتھوں رکھا ہے، اس کے لئے بھی وہی حکم ہے جو کہ کفارمشرکین کا ہے،

اب سوال یہ پیدا ہوتا ہے کہ فقہائے کرام کی ایک بڑی تعداد نے شاتم رسول صلی اللہ علیہ وسلم،اور مرتد کے لئے دنیا میں قتل کی سزا تجویز کی ہے، تو اس کا کیا ہوگا؟ در اصل شاتم رسول صلی اللہ علیہ وسلم اور مرتدین کی سزا عدالتی ہے، نہ کہ شخصی، یعنی کہ حکومت وقت اس پر عدالت قائم کرے گی،اور عدالت کو اختیار ہے کہ وہ اس کے لئے قتل تک کی سزا تجویز کر سکتی ہے۔