جہالت کی انتہا، ہندستان کی رواداری پر بد نما داغ یوگی حکومت

از مسعود مظہر قاسمی

گذشتہ جمعہ کے روز تحفظ ناموس رسالت صلی اللہ علیہ وسلم کے لئے پورے ہندستان میں احتجاج و مظاہرہ کیا گیا، اس احتجاج و مظاہرہ کا بدلہ یوگی حکومت مسلمانوں کے گھروں پر بلڈوزر چلا کر لے رہی ہے، یوگی حکومت کا کہنا ہے کہ اکثر مسلم گھر غیر قانونی جگہوں پر تعمیر ہے،جس کی بناء پر اس پر بلڈوزر چلا رہی ہے، لیکن سوال یہ ہوتا ہے کہ اگر غیر قانونی جگہوں پر بلڈوزر چلانا ہے تو وہ مظاہرہ کے بعد ہی کیوں اور مظاہرین کی تصویر دیکھنے کے بعد ہی کیوں؟ غیر قانونی جگہوں پر مسلمانوں سے زیادہ ہندو کا قبضہ ہے، تو کیا یوگی حکومت ان کے گھروں پر بھی بلڈوزر چلائے گی؟،حکومت کو یہ اختیار ہے کہ غیر قانونی جگہ خالی کروائے لیکن اس کے لئے جو طریقہ کار ہے اس عمل آور یقینی ہونی چاہئے، کسی بھی واقعہ کی ری ایکشن کے تحت کسی کا بھی گھر مسمار نہیں کیا جاسکتا ہے،گھر وں پر بلڈوزر چلانے سے پہلے کارپوریشن کی جانب سے نوٹس روانہ کرنا ضروری ہوتاہے، اگر احتجاج کی وجہ سے بلڈوزر چلایا جانا درست ہے تو پھر ہندستان میں جتنی پارٹیاں ان تمام کے گھروں پر بلڈوزر چلانا چاہے کیوں کہ کوئی ایسی پارٹی نہیں ہے جو کہ اب تک احتجاج نہیں کی ہو، کانگریس کے دور میں سب سے زیادہ بی جے پی احتجاج کرتی تھی اس لئے یوگی جی کو چاہئے کہ بی جے پی لیڈروں کے گھروں پر بھی بلڈوزر چلائیں، یوگی جی اگر آپ کو مسلمانوں سے اتنی نفرت ہے تو مسلمانوں کی وقف کی جائیداد لوٹادیں مسلمانوں کو کبھی گھروں کی قلت نہیں ہوگی،یوگی جی آپ ایک دھرمک آدمی ہیں کبھی آپ نے دھرم کا ایک چیپٹر بھی پڑھا، اگر آپ اپنے دھرم کا ایک چیپٹر بھی پڑھے ہوتے تو آپ کو معلوم ہوتا کہ انسانیت اور رواداری کیا ہے؟ یوگی جی اس قسم کی کرتوت سے کیا آپ مسلمانوں کا نقصان کررہے ہیں؟ بالکل نہیں آپ اپنے دھرم کی تصویر پوری دنیا کے سامنے اجاگر کر رہے ہیں، یوگی جی اگر میں آپ کو پاکستانی اور چینی ایجٹ کہوں تو بالکل غلط نہ ہوگا چوں کہ پاکستان جو کچھ بد امنی چاہتا تھا وہ آپ اور بی جے پی کے پروکتا نے کردیکھا یا، یوگی جی آپ دھرم دھرم کرتے ہیں، اور دیش دیش کرتے ہیں لیکن حقیقت میں آپ سے بڑا بے دھرمی اور دیش کی مخالف کام کرنے والا اب تک ہندستان کی تاریخ میں نہیں دیکھا گیاہے۔

کہاں ہیں مسلمانوں کے لیڈر؟کہاں ہیں ارشد مدنی اور محمود مدنی؟

تعجب کی بات ہے کہ ایک طرف تو مسلمانوں کے گھروں پر بلڈوزر چلائے جارہے ہیں تو دوسری طرح ہندستان کی تمام بڑی تنظیمیں ، محمود مدنی اور ارشد مدنی جنہیں قوم کا رہبر تصور کیا جاتا ہے، بالکل خاموش ہیں، ایسا معلوم ہورہا ہے کہ بی جے پی اور یوگی حکومت نے ان سے سمجھوتہ کر لیا ہے۔میں ان سے سوال کرنا چاہتا ہوں کہ آپ قوم کے لیڈر ہونے کے ناطے آپ کے اندر کیا خصوصیات ہونا چاہئے؟ حقیقت یہ ہے کہ قوم کا جو لیڈر ہوتا ہے وہ زمین کی طرح فیاض ہوتا ہے، آسمان کی طرح بلند، اپنے قوم کے لئے باپ کی طرح مخلص، مذہب کے مخالف کے لئے آگ کا شعلہ، مذہبی امور میں انتہائی فرما بردار۔کیا آپ لوگوں میں یہ خصلت موجود ہے؟، یاد کریں اس دن کو آپ صلی اللہ علیہ وسلم کی رحلت کے بعد ارتداد کا دور دورا شروع ہوا تھا، کچھ لوگ زکواۃ دینے سے انکار کر دیئے تھے، اس وقت حضرت ابوبکر نے فرمایا تھا، میں زندہ رہوں اور دین میں کچھ کمی ہو ایسا بالکل نہیں ہوگا، اور آپ نے سب سے زکواۃ وصول کئے تھے۔اگر مصلحت پسندی جائز ہوتی تو اس وقت سب سے پہلے حضرت ابو بکر مصلحت پسندی پر عمل کرتے، اگر مصلحت پسندی جائز ہوتی تو آپ صلی اللہ علیہ وسلم کبھی بھی جنگ بدر کے لئے تیار نہیں ہوتے۔

میری عظیم قوم!

آپ نے جس طرح سے تحفظ ناموس رسالت صلی اللہ علیہ وسلم کے لئے قربانیاں دی ہیں، گھر سے بے گھر ہوئے ہیں، پولس کے ڈنڈے کھائے ہیں یاد رکھیں یہ قربانیاں کبھی بھی رائیگاں نہیں جاے گی، اللہ تبارک و تعالی یقینا اس کا بہترین اجر آپ کو عطا کرے گا،میری وہ مائیں جن کے بچے قربان ہوئے اللہ تبارک تعالیٰ آپ کو بھی یقینا اس کا بہترین اجر عطا کرے گا، قرآن کریم میں اللہ تبارک و تعالیٰ نے ارشاد فرمایاہے بسا اوقات تم کسی چیز کو بہتر سمجھتے ہو حالانکہ وہ تمہارے لئے خراب ہوتا ہے، ااور بسا اوقات تم کسی چیز کو خراب سمجھتے ہو وہی تمہارے لئے اچھا ہوتا ہے،اس لئے اللہ پر یقین کرتے ہوئے ہم اپنے آپ کو ہر حالات کے لئے تیار کریں گے، یاد رکھیں اسلام میں ڈر اور خوف کی کوئی جگہ نہیں ہے، موت کا وقت بھی طے ہے اور رزق کا مالک بھی اللہ ہے۔

اب ہم کیا کریں!

جن لوگوں کے گھروں پر بلڈوزر چلا یا گیا ہے، اب سوال یہ پیدا ہوتا ہے کہ وہ کیا کریں، اس کے لئے کئی ایک قانونی راستے ہیں، اگر آپ کا گھر بے غیر نوٹس کے محض احتجاج کی وجہ سے مسمار کیاگیا ہے تو آپ فوری طور پر یوگی حکومت کے خلاف ایف آئی آر درج کریں، اگر تھانہ کے پولس اہلکار ایف آئی آر درج نہ کررہے ہوں تو کورٹ جائیں اور کورٹ سے ایف آئی آر درج کرنے کی درخواست کریں، یاد رکھیں ایف آئی آر درج کرنے میں کوئی پیسہ نہیں لگتا ہے، ایف آئی آر درج ہونے کے بعد پھر کورٹ میں حکومت کی جانب سے وکیل فراہم کرنے کی درخواست اور کورٹ کو واضح طور پر بتائیں کہ آپ میں وکیل کے اخراجات برداست کرنے کی صلاحیت نہیں، ہندستان کے آئین کے تحت آپ کو وکیل بھی فراہم کیا جائے گا،اس طرح سے آپ فری میں اپنی قانونی لڑائیاں لڑ کر اپنے نقصان کی تلافی کر سکتے ہیں، اس کے لئے کسی بھی بڑی تنظیم کا چکر لگانے کی آپ کو بالکل ضرورت نہیں ہے۔
مزید یہ کہ کچھ لوگ متحد ہو کر ہائی کورٹ میں یوگی حکومت کے خلاف درخواست دائر کریں اور کورٹ سے یوگی حکومت کو نااہل قرار دینے کی درخواست کریں، اگر کورٹ اسے نااہل قرار دیتی ہے تو یوگی کی حکومت ختم ہو جائے گی۔