خبروں کی خبر،ہرخبروں پر نظر،سچائی اورصداقت کا پیامبر رونق اردومیڈیا » Blog Page » ابھرتے ستارے(قسط نمبر3)

ابھرتے ستارے(قسط نمبر3)

سے raunaqurdumediaJuly 28, 2021July 28, 20210869

قارئین کرام:: زندگی کی بہت سی کہانیاں ایسی ہوتی ہے، جو کہ دوسرے کے لئے عبرت اور کچھ کر نے کا جزبہ پیدا کرتی ہیں، اسی تناظر میں راقم الحروف نے روز مرہ کی زندگی میں خودکو پیش آنے والے واقعات اور حالات قلم بند کرنے شروع کیا ہے، اللہ سے دعاء ہے کہ اللہ اسے مقبولیت عام سے نوازے، مسعود مظہر

25جون2021جمعہ کا دن تھا، آفس ہوئے گذشتہ کل کے واقعہ میں بہت ہی پریشان تھا، تاہم کچھ مخلص دوستوں کے مشورہ اور حوصلہ نے ہمارے اندر نئی روح پیدا کردی تھی، پھر میں منظم طور سے سنیچر کو دوبارہ آفس کھولنے کا فیصلہ کر لیا تھااور اپنے مخلص اسٹاف کو آفس آکر کام کرنے کی بھی دعوت دیدی تھی، کچھ ایسے مخلص اسٹاف بھی تھے جس کے اہل خانہ بھی ہمیں فون کیا تھااور ہر حال میں ہمارے ساتھ کھڑے رہنے نے کی یقین دیہانی کی تھی، 25جون کو صبح 9بجے ہی ہمیں پتہ چلتا ہے کہ کچھ ملازمین آکر آفس کے سامنے کھڑے ہیں، لیکن چون کہ آج آفس بند کرنے کا فیصلہ ہم نے پہلے ہی کر لیا تھا، اس لئے آفس جانا مناسب نہ سمجھا، پھر اچانک معلوم ہوا کہ گھر کے نیچے کچھ ملازمین دھرنہ میں بیٹھے ہوئے ہیں، ملازمین کے اس رویہ سے میں بہت ہی پریشان ہو گیا، یہ لوگ مجھے مس گائیڈ کرنا اور پریشان کرنا شروع کر دیئے تھے، ملازمین میں جتین جو کہ گذشتہ دن ہنگامہ آرائی کر چکا تھا، بے جا طور پر اسے پیسے دیئے جا چکے تھے، پولس والوں نے پیسہ دیکر رفع دفع کروادیا تھا، آج پھر سب کو لیکر ہنگامہ آرائی کرنا شروع کردیا تھا اور ان کی قیادت کر رہا تھا، احتجاج کرنے والے ملازمین میں اکثریت ان لوگوں کی تھی جو کہ ٹریننگ میں تھے، یعنی کہ ان کی ملازمت ابھی شروع بھی نہیں ہوئی تھی، بگڑتے صورت حال کو دیکھ کر پولس کی معاونت لینا ضروری سمجھااور تھانہ ایف آئی آر درج کروانے کے لئے گیا، جہاں ہماری ملاقات دیپک نامی پولس آفیسر سے ہوئی، جس نے کیس کو بالکل الٹا کر دیا، میں جو انصاف کے لئے گیا تھا مجھے خود خاطی ٹھہرادیا، وہیں پولس والے میں ایک نے مجھے سے ایک لاکھ روپئے کا مطالبہ کیا، میرے پاس پیسے نہیں ہیں، یہ جواب سن کر آپے سے باہر ہو گیا، مجھ سے کہنے لگا کہ آپ کیا چاہتے ہیں پولس کو پیسہ دیکر کیس رفع دفع کروانا چاہتے ہیں یا پھر کیس فائل کروانا چاہتے ہیں، میں نے کہا کہ میرے پاس پیسہ نہیں ہے آپ کیس فائل کر دیں، تھانہ میں تقریبا 8گھنٹہ رہا، اس دوران یہ احساس ہوا کہ تھانہ میں انصاف اور حق کی بات کے بجائے صرف اور صرف پیسہ کی ہی بات ہوتی ہے، پولس والے مالدار پارٹی کو دیکر کیس الٹ دیتے ہیں اور پھر پیسہ کھاکر رفع دفع کر دیتے ہیں، پولس والے تھانہ میں اپنے اس غیر قانونی انکم کے بارے میں ایسا تذکرہ کرتے ہیں جیسے کہ شیئر منڈی میں اتار چڑھاؤ چل رہا ہوں،بہر حال پولس والے مجھ سے مسلسل پیسہ کے بارے میں بات چیت کرتے رہے، اور گھر سے کسی کو بلانے کے لئے دباؤ ڈالتے رہے، اس دوران ہمارے موبائل نمبر سے بھائی کا نمبر نکالا اور اسے کال کر کے فوری طور پر تھانہ آنے کو کہا، اس دوران ایچ ایس او کی نظر ہمارے اوپر پڑی اور اس نے خطیر رقم کا مطالبہ کیا، جب کے پولس آفیسر میں کچھ نے پوچھ تاچھ کے دوران اس نتیجہ پر پہنچے کہ بے کار وقت ضائع ہو رہا ہے،معاملہ کچھ بھی نہیں ہے، چونکہ کہیں سے بھی یہ کیس بننے والے معاملہ معلوم نہیں ہو رہا ہے، اسی دوران ہمارے کچھ رشتہ دار تھانہ پہنچ گئے جس کے بعد ہمیں تھانہ سے جانے کی اجازت مل گئی۔