دونوں جمعیت کا دو طرفہ کھیل اب ہو گا فیل، عوام کو اس کا متبادل تلاش کرنے کی ضرورت: مسعود مظہر قاسمی

قارئین کرام!گذشتہ کئی دنوں سے ممبئی میں دیئے گئے مولانا ارشد مدنی کے خطاب جس میں انہوں نے اتحاد کی باتیں کی تھی اور اپنے آپ کو اتحاد کے لیے یکسر تیار بتایا تھا، کو بہت ہی زیادہ شیئر کیا جارہا ہے، لوگوں کی جانب سے اس کی خوب خوب سراہنائی کی جارہی ہے، مولانا موصوف نے جہاں ایک طرف اپنے آپ کو اتحاد کے لیے بالکل تیار ہونے کی بات کہیں تھی، وہیں دوسری جانب مولانا محمود مدنی کو اتحاد نہ ہونے میں اہم رکاوٹ قرار دیا تھا، مولانا موصوف نے بالکل واضح کر دیا تھا کہ دوسری جانب سے کوئی جواب نہیں مل رہا ہے،لیکن جب ہم گذشتہ کئی سالوں سے مولانا محمود مدنی کے کردار کا جائزہ لیتے ہیں تو اندازہ ہوتا ہے کہ مولانا محمود مدنی نے مولانا ارشد مدنی کو اپنے قریب کرنے کی کئی کوششیں کی ہیں، مثلا مولانا محمود مدنی کی جمعیت کے پاس امارات اسلامی نامی ایک شعبہ ہے، جس شعبہ کے تحت پورے ہندستان کا متحدہ امیر الہندمنتخب ہوتا ہے، اس شعبہ کا امیر المومنین مولانا محمود مدنی نے مولانا ارشد مدنی کو منتخب کروایا، اس کے علاوہ ہرایک پروگرام میں مولانا محمود مدنی مولانا ارشدمدنی کو مدعو کرتے ہوئے ہیں، گذشتہ کچھ ماہ قبل دہلی میں جمعیت علمائے ہند مولانا محمود مدنی گروپ کا پروگرام تھا جس میں مولانا ارشد مدنی کو نہ صرف مدعو کیا گیا تھا، بلکہ پورا اسٹیج ان کے حوالہ کر دیا گیا تھا، اس پروگرام میں مولانا ارشد مدنی نے ایشور اللہ کی نئی بحث چھیڑ دی، جس کے بعد یہ پورا پروگرام متنازع بند گیا، اسی طرح سے عوام کی عدالت ٹی وی شو کے دوران رجت ملہورہ نے مولانا ارشد مدنی کے بارے میں کہا کہ ایک بہت بڑی شخصیت کے بارے میں میں آپ کو بتاتا ہوں، پھر اس پر انہوں نے مولانا ارشد مدنی کا نام لیا تو مولانا محمود مدنی نے کہا کہ یقینا یہ بڑی شخصیت ہیں۔مولانا محمود مدنی کے ان کردار سے بالکل واضح ہوتا ہے کہ دونوں کے درمیان کوئی اختلاف نہیں، پھر یہ کہ دہلی آئی ٹی او میں دونوں جمعیت کا مشترکہ دفتر ہے، ایک روم میں مولانا ارشد مدنی بیٹھتے ہیں تو دوسرے روم میں مولانا محمود مدنی بیٹھتے ہیں، دونوں ایک ہی مسجد میں نماز پڑھتے ہیں، اس کے علاوہ دیوبند میں بھی دونوں حضرات کا گھر بالکل آمنے سامنے ہیں، اور دونوں مسجد رشید میں ہی نماز اداء کرتے ہیں، اس کے علاوہ اور بھی متعدد تنظیموں میں دونوں شریک ہیں، ان دونوں کے گھریلو تعلقات بھی پہلے ہی کی طرح استوار ہے، اب سوال یہ پیدا ہوتا ہے کہ جب دونوں صاحبان کے درمیان اتنی قربت ہے تو پھر اتحاد کیوں نہیں ہوتا ہے، اور دونوں آپس میں خود ہی بیٹھ کر اتحاد کی باتیں کیوں نہیں کر لیتے ہیں۔اتحاد کی بات صرف عوام کی مجلس میں ہی کیوں ہوتا ہے،؟ اگر مولانا ارشد مدنی واقعی اتحاد کے طلبگار ہیں تو اس کا ایک بالکل آسان حل ہے کہ وہ اپنی جمعیت کو تحلیل کر دیں خود ہی ایک جمعیت ہو کر اتحاد ہو جائے گا۔
بلکہ حقیقت یہ ہے کہ دونوں جمعیت ایک ہو یا الگ اس سے عوام کا کچھ بھی فائدہ نہیں ہوگا، بلکہ موجودہ جمعیت علماء مسلمانوں کو کاؤنٹر کرنے کے لیے ہے، جس کی واضح مثال ڈی ہندو نیوز پیپر کی وہ اسٹوری ہے،
جو کہ۲/اکتوبر ۲۲۰۲شائع ہو ا، جس میں اب بات کی نشان دہی کی گئی تھی کہ جمعیت علمائے ہند نے پی ایف آئی ممبران کی گرفتاری میں خاموشی سے بی جے پی کا ساتھ دے رہی ہے، اسی طرح سے مدرسہ کے سروے میں مولانا ارشد مدنی نے یوگی حکومت کا کھل کر ساتھ دیا، حالانکہ مدرسہ کا سروے آئینی حقوق کے خلاف تھا، اور ایک خاص کمیونیٹی کو نشانہ بنا تھا، اسی طرح سے سی اے بل میں مولانا محمود مدنی نے کھل کر بی جے پی حکومت کی تائید کی، سی اے اے جس کے خلاف پوری دنیا میں آواز اٹھائی گئی، ہرایک دانشور وں نے اس کے خلاف آواز اٹھائی سوائے دو دانشوران مولانا ارشد مدنی اور محمود مدنی کے، اس دوران ان دونوں نے آر ایس ایس کے چیف موہن بھاگوت سے ملاقات کی، اور ان کے راگ میں راگ ملانے لگے، شاہین باغ مظاہرہ کے دوران پوری قوم سڑک پر نکل آئی اس دوران دونوں جمعیت کے دونوں ذمہ دار دیوار کا پوسٹر پڑھنے میں مصروف رہیں۔
اس حقائق سے آشکارا ہو جاتا ہے کہ فی الوقت جمعیت علمائے ہند مسلمانوں کے نمائندہ تنظیم ہونے کے بجائے حکومت کی نمائندہ تنظیم بن چکی ہے، اس لئے مسلمانوں کی جانب سے اس تنظیم کو پورے طور پر بائی کاٹ کرنا چاہئے،